ENGLISH / /
საწყისი / შესვლა / კონტაქტი
ჰუმანიტარულ, სოციალურ მეცნიერებათა, ბიზნესისა და მართვის ფაკულტეტი
ფაკულტეტის ისტორია

საქართველოს შოთა რუსთაველის თეატრისა და კინოს სახელმწიფო უნივერსიტეტის ისტორია 1923 წლიდან იწყება, როდესაც თბილისში სახელმწიფო სათეატრო ინსტიტუტი დაარსდა. თუმცა, რიგი მიზეზების გამო, ამ უმაღლესმა საგანმანათლებლო სასწავლებელმა, მხოლოდ სამი წელი იარსება და 1926 წელს დაიხურა. იმ წლებში ინსტიტუტი მხოლოდ მსახიობების აღზრდით იყო დაკავებული.

უნივერსიტეტი მეორედ 1939 წელს, სახელმწიფო თეატრალური ინსტიტუტის სტატუსით გაიხსნა და მას მერე არსებობა აღარ შეუწყვეტია. თანდათან, წლების განმავლობაში, იმატა სპეციალობების რაოდენობამაც. თავდაპირველად ამ ახლად ფეხადგმულ ინსტიტუტშიც, პირველ სასწავლო წელს (1939-1940), მხოლოდ სამსახიობო სპეციალობებზე ხდებოდა აბიტურიენტთა ჩარიცხვა. მაგრამ, უკვე მომდევნო (1940-1941) სასწავლო წელს მიიღეს მომავალი რეჟისორები და თეატრმცოდნეები. სწორედ აქედან მოყოლებული, თეატრისა და კინოს უნივერსიტეტი სისტემატურად იღებდა მომავალ თეატრმცოდნეებს და ზრდიდა თეატრის მაღალკვალიფიციურ თეორეტიკოსებს, კრიტიკოსებსა და ისტორიკოსებს. 1939 წელს, არსებული ბრძანებით, იქმნება ხელოვნებათმცოდნეობის კათედრა (ხელმძღვანელი აკაკი ფაღავა). ეს უკანასკნელი, 1943 წელს, თეატრის ისტორიის კათედრის გამგე ხდება. 1944 წელს იხსნება თეატრმცოდნეობის, ხოლო 1972 წელს კი - კინომცოდნეობის ფაკულტეტი.

მომდევნო წლების განმავლობაში თეატრმცოდნეობისა და კონომცოდნეობის ფაკულტეტებმა, უმაღლეს სასწავლებელში პერმანენტულად მიმდინარე სტრუქტურული ცვლილებებისა თუ რეორგანიზაციის საფუძველზე, დაკარგეს ავტონომია: თეატრმცოდნეობა - დრამის, ხოლო კინომცოდნეობა კინო-ტელე ფაკულტეტს შეუერთდა.

1984 წელს კვლავ დაარსდა კინომცოდნეობის ფაკულტეტი, რომელსაც სათავეში კორა წერეთელი ჩაუდგა.

 1993 წელს დაარსდა ხელოვნებათმცოდნეობის ფაკულტეტი.

 1999 წელს დრამის ფაკულტეტს გამოეყო თეატრმცოდნეობა. დაარსდა (15. 01. 1999წ.) თეატრმცოდნეობისა და ხელოვნებათმცოდნეობის ფაკულტეტი (დეკანი - ზურაბ ზანგურაშვილი).

 2005 წელს ფაკულტეტის შემადგენლობაში შევიდა კინომცოდნეობის სპეციალობა და ფაკულტეტს ეწოდა ხელოვნების ისტორიისა და თეორიის ფაკულტეტი.

 2006 წელს ფაკულტეტს დაემატა ტელე-რადიო გადაცემის წამყვანი ჟურნალისტის სპეციალობა.

 2006-2007 სასწავლო წლებში ფაკულტეტის დასახელება კვლავ შეიცვალა და მას ხელოვნებისა და სოციალურ მეცნიერებათა ფაკულტეტი ეწოდა.

 2008 წლის 12 ნოემბრიდან ფაკულტეტის შემადგენლობაში შევიდა კულტურისა და კულტურული ტურიზმის მენეჯერის სპეციალობები.

 2009 წლის 9 ივნისიდან ფაკულტეტის დეკანის  თანამდებობაზე არჩეულ იქნა სრული პროფესორი გიორგი ცქიტიშვილი.

 2009 წლის მარტიდან ფაკულტეტის ხარისხის უზრუნველყოფის სამსახურის  ხელმძღვანელის თანამდებობაზე არჩეულ იქნა სრული პროფესორი ნატო გენგიური.

 2009 წლის 5 ოქტომბრიდან ფაკულტეტს შეეცვალა სახელწოდება და ეწოდა ჰუმანიტარულ, სოციალურ მეცნიერებათა, ბიზნესისა და მართვის ფაკულტეტი.

^ ზემოთ
 
საწყისი | შესვლა | კონტაქტი
0962054
ვებ გვერდის შექმნის თარიღია: 26-01-2006
ვებ გვერდის განახლების თარიღია: 2017-08-10
ვებ გვერდის მფლობელია საქართველოს შოთა რუსთაველის თეატრისა და კინოს სახელმწიფო უნივერსიტეტი (c) ყველა უფლება დაცულია