ENGLISH / /
საწყისი / შესვლა / კონტაქტი

საქართველოს შოთა რუსთაველის თეატრისა და კინოს სახელმწიფო უნივერსიტეტი

ბაკალავრიატის აკადემიურ საფეხურზე ერთიან ეროვნულ გამოცდებამდე ჩასაბარებელი შემოქმედებითი ტურის საკონკურსო წესები და მოთხოვნები

2019–2020 სასწავლო წელი

კინო-ტელე ფაკულტეტი აცხადებს მიღებას საშემსრულებლო- შემოქმედებითი ხელოვნების საბაკალავრო პროგრამის შემდეგ პროგრამულ კონცენტრაციებზე:

 

აუდიო–ვიზუალური რეჟისურა - ტელე რეჟისურა - 5 ადგილი

მისანიჭებელი კვალიფიკაცია - აუდიო - ვიზუალური ხელოვნების ბაკალავრი

აუდიო–ვიზუალური რეჟისურა - ხმის რეჟისურა - 5 ადგილი

მისანიჭებელი კვალიფიკაცია - აუდიო - ვიზუალური ხელოვნების ბაკალავრი

 

შემოქმედებითი ტური
ტელე რეჟისურის პროგრამულ კონცენტრაციაზე
 
 
ტელე რეჟისურის პროგრამულ კონცენტრაციაზე აბიტურიენტის შესარჩევი კონკურსი  (შემოქმედებითი ტური) ტარდება ორ ეტაპად: I ტური -  წერითი გამოცდა და II ტური - გასაუბრება.
 
პირველ       ტურზე   აბიტურიენტმა   წერილობით   უნდა   წარმოადგინოს   მოკლე ავტობიოგრაფია თანდართული მოტივაციით, თუ რატომ ირჩევს ამ პროფესიას. სასურველია წარმოადგინოს:
მის მიერ შეთხზული ლიტერატურული ნაწარმოები (მაქსიმუმ- 5 გვ.); ფოტოები ან ფოტორეპორტაჟი (მაქსიმუმ -10 ფოტო);
არსებობის შემთხვევაში, მის მიერ მომზადებული ტელეპროექტი ან ფილმი.
 
 
I  ტური - წერითი გამოცდა - 3 შეთავაზებული თემიდან აბიტურიენტი ირჩევს მისთვის საინტერესო თემას, რომელშიც მაქსიმალურად შეძლებს წარმოაჩინოს    შემოქმედებითი წარმოსახვისა და ფანტაზიის უნარი.
 
II ტური - ზეპირი გამოცდა - შედგება 2 ეტაპისგან.
 
1. გასაუბრება - აბიტურიენტი სასკოლო პროგრამაში არსებულ მასალებზე დაყრდნობით  წარმოაჩენს  ზოგად ინტელექტუალურ და განათლების დონეს ტელევიზიის, კინოხელოვნების, სახვითი ხელოვნების, მუსიკის, ლიტერატურისა და თეატრის ისტორიაში;
2.  პრაქტიკული  დავალებები   (3 ეტიუდი).    სადაც  აბიტურიენტი  გამოავლენს
დაკვირვების,  შემოქმედებითი წარმოსახვისა და ასოციაციური აზროვნების უნარებს;
 
 
შემოქმედებითი ტური
ხმის რეჟისურის პროგრამულ კონცენტრაციაზე
 
 
ხმის რეჟისურის პროგრამულ კონცენტრაციაზე აბიტურიენტის შესარჩევი კონკურსი  (შემოქმედებითი ტური) ტარდება ორ ეტაპად: I ტური -  პრაქტიკული
დავალების შესრულება და II ტური - გასაუბრება.
 
 
პირველ  ტურზე  აბიტურიენტი  წარმოადგენს  მოკლე  ავტობიოგრაფიას თანდართული მოტივაციით, თუ რატომ ირჩევს ამ პროფესიას; საშუალო მუსიკალური განათლების არსებობის შემთხვევაში წარმოადგინოს შესაბამისი დამადასტურებელი საბუთი; სასურველია წარმოადგინოს მის მიერ შექმნილი მუსიკალური კლიპი ან მუსიკალური ნაწყვეტი, ან მის მიერ გაფორმებული ტელეპროექტი ან ფილმი.
 
 
I ტური - პრაქტიკული დავალების შესრულება სხვადასხვა ხასიათისა და ფორმის მუსიკალური ფრაგმენტითა და ხმოვანი რიგით (დიალოგი, მონოლოგი, ადგილმდებარეობის  დამახასიათებელი  ბგერები,  სინქრონული  ხმაური,  მუსიკა), რის  საფუძველზეც  შემოწმდება  აბიტურიენტის სმენა,  რიტმის  გრძნობა,  ხმოვანი რიგის აღქმის უნარი, მუსიკალური შეგრძნება და მუსიკალური ჟანრის აღქმა; ვიზუალური მასალის გამოყენებით, აბიტურიენტს მიეცემა დავალება, რის საშუალებითაც შემოწმდება  და  გამოვლინდება  მისი  წარმოსახვის,  ანალიტიკური ხედვის, მონტაჟური აზროვნების, სახეობრივი აზროვნების სათანადო უნარები.
 
 
II ტური -  კომპიუტერული ცოდნის შემოწმება (Microsoft Windows, Microsoft Word, Microsoft PowerPoint, სასურველია Nero Start Smart, Photoshop); სასკოლო პროგრამაში არსებულ მასალებზე დაყრდნობით, გასაუბრება ზოგადი განათლების გამოსავლენად (მხატვრული ლიტერატურა, ხელოვნება, მუსიკა, კინო, თეატრი).
 
 
გისურვებთ წარმატებას!!!
^ ზემოთ
საწყისი | შესვლა | კონტაქტი
ვიზიტორები:
1520208
ვებ გვერდის შექმნის თარიღია: 26-01-2006
ვებ გვერდის განახლების თარიღია: 2019-11-19
ვებ გვერდის მფლობელია საქართველოს შოთა რუსთაველის თეატრისა და კინოს სახელმწიფო უნივერსიტეტი (c) ყველა უფლება დაცულია