- უნივერსიტეტი
- სასწავლო პროცესი
- სტუდენტური ცხოვრება
- ნორმატიული აქტები
- ხარისხის უზრუნველყოფა
- სამეცნიერო კვლევითი ინსტიტუტი
- სხვადასხვა
ინოვაციური პროექტის - "ინკლუზიური ცეკვის პრაქტიკა/სტაჟირება" პრეზენტაცია
მ/წ. 26 თებერვალს, 16:00 საათზე, შოთა რუსთაველის თეატრისა და კინოს სახელმწიფო უნივერსიტეტის დრამის ფაკულტეტის ქორეოგრაფიული დეპარტამენტის ინიცირებით, არაფორმალური განათლების ფარგლებში, დიმიტრი ალექსიძის სახელობის თეატრის აუდიტორია №1-ში განხორციელდება ინოვაციური პროექტის - ,,ინკლუზიური ცეკვის პრაქტიკა/სტაჟირება" პრეზენტაცია.
პროექტის მიზნებია:
· შეზღუდული შესაძლებობების მქონე პირთა ინტეგრაცია საცეკვაო ხელოვნების სფეროში;
· ინკლუზიური ცეკვის სასწავლო-ლაბორატორიული ჯგუფის ბაზაზე, თეატრისა და კინოს სახელმწიფო უნივერსიტეტის, ქორეოგრაფიული მიმართულების სტუდენტების ცეკვის სპეციალურ პედაგოგებად დატრენინგება და არაფორმალური განათლების ფარგლებში ინკლუზიური ცეკვის აქტივობების განხორციელება;
· საქართველოში ცეკვის სპეციალურ პედაგოგთა კვალიფიცირებული კადრების შექმნა და ქორეოგრაფთა დასაქმების სფეროს გაზრდა.
სასწავლო-ლაბორატორიული ჯგუფი დაკომპლექტდება 5 სტუდენტისგან, 1 კურსდამთავრებულისა და 10 შეზღუდული შესაძლებლობების მქონე პირისაგან.
პრეზენტაციას ჩაატარებს აღნიშნული პროექტის იდეის ავტორი და ხელმძღვანელი, თეატრისა და კინოს სახელმწიფო უნივერსიტეტის დრამის ფაკულტეტის ქორეოგრაფიული დეპარტამენტის ასისტენტი ანა ღვინიაშვილი.
პროექტის პარტნიორები არიან:
საქართველოს შოთა რუსთაველის თეატრისა და კინოს სახელმწიფო უნივერსიტეტი
MAC Georgia - მაკლეინის ასოციაცია ბავშვებისათვის
ქალაქ თბილისის მერია
ბრიტანეთის საბჭო საქართველოში
