ENGLISH / /
საწყისი / შესვლა / კონტაქტი
აბიტურიენტთა საყურადღებოდ: მენეჯმენტის (ხელოვნების) საბაკალავრო პროგრამას აკრედიტაცია უმთავრდება 2020 წლის ნოემბერში;
სახელმწიფო გრანტი აღნიშნულ პროგრამაზე არ გაიცემა.
სიახლე

ყ უ რ ა დ ღ ე ბ ა !

 

საქართველოს შოთა რუსთაველის თეატრისა და კინოს სახელმწიფო უნივერსიტეტი აცხადებს

2020-2021 სასწავლო წლის შემოდგომის სემესტრის

მობილობას

 

გარე მობილობა

 

სხვა უმაღლესი საგანმანათლებლო დაწესებულებიდან საქართველოს შოთა რუსთაველის თეატრისა და კინოს სახელმწიფო უნივერსიტეტში მობილობის წესით გადმოსვლის მსურველი უნდა დარეგისტრირდეს სსიპ - განათლების ხარისხის განვითარების ეროვნული ცენტრის ელექტრონულ პორტალზე (students.emis.ge).   სტუდენტთა რეგისტრაციის ვადაა 2020 წლის 31 ივლისიდან 1აგვისტოს 18:00 სთ-მდე;

  • მობილობის უფლებამოპოვებული მსურველი სტუდენტის თეატრისა და კინოს სახელმწიფო უნივერსიტეტში განცხადებების შემოტანის ვადა -  1, 2, 3, 4  სექტემბერი.
  • განცხადებასთან ერთად წარმოდგენილ უნდა იქნას სტუდენტის პირადი საქმის ასლი: - პირადობის მოწმობის ასლი;

- სტუდენტის ცნობა სტატუსის შესახებ;

- ჩარიცხვის ბრძანება;

- სასწავლო ბარათი: სტუდენტის მიერ გავლილი სასწავლო კურსები -შეფასებისა და კრედიტების მითითებით;

- ფოტო 3x4 2ც. (CDზეც),

- ატესტატი/დიპლომი;

- ვაჟებისთვის - მიწერის მოწმობის ასლი.

  • შემოქმედებითი ტურისათვის სტუდენტმა უნდა გადაიხადოს  შემოქმედებით ტურში   მონაწილეობის საფასური - 30 ლარი.

      თანხის შეტანა ხდება უნივერსიტეტის საბანკო ანგარიშზე
       საიდენტიფიკაციო კოდი: 203851028

ბანკი: სახელმწიფო ხაზინა
ბანკის კოდი: TRESGE22
სხვა არაკლასიფიცირებული შემოსავლები: 7 0888 7519
გადახდის  დანიშნულებაში უნდა  ჩაიწეროს სტუდენტის გვარი,  სახელი,  11 ნიშნა პირადი ნომერი (უცხო ქვეყნის მოქალაქეებმა პირადი ნომრის არ არსებობის შემთხვევაში უნდა მიუთითონ პასპორტის ნომერი).

  • საშემსრულებლო-შემოქმედებითი მიმართულებით შემოქმედებითი ტურებისა და საუნივერსიტეტო გამოცდების ჩატარების ვადა - 7 - 8 სექტემბერი
  • 11 სექტემბრის  ჩათვლით აღიარებული კრედიტების რაოდენობის თაობაზე სტუდენტის მიერ წერილობითი განცხადებით დადასტურება (თანხმობა/უარი).

დაწვრილებით იხ. ბრძანება:  გარე მობილობის შესახებ (დანართი 1);

 

გარე მობილობის ვაკანტური ადგილები

დრამის ფაკულტეტი

  • საშემსრულებლო შემოქმედებითი ხელოვნება - მსახიობი (დრამისა და კინოს მსახიობი) 8 ვაკანტური ადგილი;
  • საშემსრულებლო შემოქმედებითი ხელოვნება - თეატრის რეჟისურა  4 ვაკანტური ადგილი;
  • საშემსრულებლო შემოქმედებითი ხელოვნება - ქართული ცეკვის დამდგმელი ქორეოგრაფი  3 ვაკანტური ადგილი;
  • საშემსრულებლო შემოქმედებითი ხელოვნება - ქართული ხალხური და საეკლესიო გუნდის დირიჟორი  - 3 ვაკანტური ადგილი.

შენიშვნა: დრამის ფაკულტეტის  საგანმანათლებლო პროგრამაზე მობილობის უფლებამოპოვებულმა სტუდენტმა უნდა გაიაროს/ჩააბაროს შემოქმედებითი ტური.

 

კინო-ტელე ფაკულტეტი

  • საშემსრულებლო შემოქმედებითი ხელოვნება -  მხატვრული კინოს რეჟისურა

5 ვაკანტური ადგილი;

  • საშემსრულებლო შემოქმედებითი ხელოვნება -  დოკუმენტური კინოს რეჟისურა

5 ვაკანტური ადგილი;

  • საშემსრულებლო შემოქმედებითი ხელოვნება - ანიმაციური კინოს რეჟისურა

5 ვაკანტური ადგილი;

  • საშემსრულებლო შემოქმედებითი ხელოვნება - კინო-ტელე ოპერატორი

-  5 ვაკანტური ადგილი;

შენიშვნა: კინო-ტელე  ფაკულტეტის  საგანმანათლებლო პროგრამაზე მობილობის უფლებამოპოვებულმა სტუდენტმა უნდა გაიაროს/ჩააბაროს შემოქმედებითი ტური.

 

 სახელოვნებო მეცნიერებების, მედიისა და მენეჯმენტის ფაკულტეტი

  • ხელოვნების ისტორია და თეორია (თეატრმცოდნეობა, კინომცოდნეობა, ხელოვნებათმცოდნეობა)   -   9 ვაკანტური ადგილი;
  • მასობრივი კომუნიკაცია (ტელე-რადიო ჟურნალისტიკა) – 2 ვაკანტური ადგილი;
  • კულტურული ტურიზმი - 5 ვაკანტური ადგილი.

 

შენიშვნა:  მასობრივი კომუნიკაცია (ტელე-რადიო ჟურნალისტიკა) საგანმანათლებლო პროგრამაზე მობილობის უფლებამოპოვებულმა სტუდენტმა უნდა გაიაროს გასაუბრება და დოკუმენტაციასთან ერთად უნდა წარმოადგინოს სამოტივაციო წერილი (რატომ სურს მასობრივი კომუნიკაციის (ტელე-რადიო ჟურნალისიკა) საბაკალავრო პროგრამაზე გადმოსვლა)

 

დოქტორანტურა

  • დრამის ფაკულტეტი - საშემსრულებლო-შემოქმედებითი ხელოვნება (შემოქმედებითი პედაგოგიკა) - მსახიობის საშემსრულებლო ხელოვნების  სადოქტორო პროგრამაზე - 1 ვაკანტური ადგილი.

 

შიდა მობილობა

 

საქართველოს შოთა რუსთაველის თეატრისა და კინოს სახელმწიფო უნივერსიტეტში შიდა მობილობის მსურველი სტუდენტი უნდა დარეგისტრირდეს შესაბამისი ფაკულტეტის დეკანატში - 1, 2, 3, 4 სექტემბერი;

  • საშემსრულებლო-შემოქმედებითი მიმართულებით შემოქმედებითი ტურებისა და საუნივერსიტეტო გამოცდების ჩატარების ვადა - 7 - 8  სექტემბერი.
  • 11 სექტემბრის ჩათვლით აღიარებული კრედიტების რაოდენობის თაობაზე სტუდენტის მიერ წერილობითი განცხადებით დადასტურება (თანხმობა/უარი).
  • შექმოქმედებითი ტურისათვის სტუდენტმა უნდა  გადაიხადოს  შემოქმედებით ტურში მონაწილეობის საფასური - 30 ლარი.

      თანხის შეტანა ხდება უნივერსიტეტის საბანკო ანგარიშზე
       საიდენტიფიკაციო კოდი: 203851028

ბანკი: სახელმწიფო ხაზინა
ბანკის კოდი: TRESGE22
სხვა არაკლასიფიცირებული შემოსავლები: 7 0888 7519
გადახდის  დანიშნულებაში უნდა  ჩაიწეროს სტუდენტის გვარი, სახელი, 11 ნიშნა პირადი ნომერი (უცხო ქვეყნის მოქალაქეებმა პირადი ნომრის არ არსებობის შემთხვევაში უნდა მიუთითონ პასპორტის ნომერი).
დაწვრილებით იხ. ბრძანება:  შიდა  მობილობის შესახებ დანართი 2

 

შიდა მობილობის ვაკანტური ადგილები

შიდა მობილობის ვაკანტური ადგილების რაოდენობა არ არის შეზღუდული.

 

მობილობის შემოქმედებითი ტურებისა და საუნივერსიტეტო გამოცდების

მოთხოვნები

 

დრამის ფაკულტეტი

 

მობილობის შემოქმედებითი ტური 

მსახიობის (თეატრისა და კინოს მსახიობის) პროგრამულ კონცენტრაციაზე:

 

მსახიობის (თეატრისა და კინოს მსახიობის) პროგრამულ კონცენტრაციაზე მობილობით გადმომსვლელ სტუდენტთა შესარჩევი კონკურსი (შემოქმედებითი ტური) ტარდება ერთ ეტაპად.

შემოქმედებით ტურზე მობილობის მსურველმა სტუდენტმა უნდა შეასრულოს სიმღერა და საცეკვაო ნომერი.

უნდა წაიკითხოს:

- შექსპირის რომელიმე სონეტი;

- პროზაული და პოეტური მასალა, რომელიც სტუდენტმა უნდა შეარჩიოს კენჭისყრის შედეგად გამოვლენილ #7 ბილეთში მითითებულ ავტორთა ნაწარმოებებიდან.

ბილეთი №7

პროზა

პოეზია 

გეგეშიძე გურამ

ამაშუკელი რეზო

რობაქიძე გრიგოლ

იაშვილი პაოლო

ფხაკაძე თამარი

იეთიმ - გურჯი

ჩოხელი გოდერძი

მაჭავარიანი მუხრან

ჩხიკვაძე ვანო

ხალვაში ფრიდონ

წერეთელი გიორგი

ჯავახიშვილი კატო

ჭონქაძე დანიელ

ჯახუტაშვილი გურამ

პროზაული ნაწარმოების ან ნაწყვეტის ხანგრძლივობა უნდა იყოს დაახლოებით 5-7 წუთი, პოეტური ნაწარმოები ან ნაწყვეტი ნაწარმოებიდან - მინიმუმ 48 სიტყვა.

ამასთან, იგივე მასალა მან უნდა შეასრულოს საგამოცდო კომისიის მიერ მიცემული სხვადასხვა ამოცანით. ამასთანავე, ყველა სტუდენტს წასაკითხად მიეცემა უცნობი ტექსტიც.

ამას გარდა, სტუდენტს შესასრულებლად ეძლევა რამდენიმე ეტიუდი სხვადასხვა თემაზე, რომლითაც შემოწმდება მისი შემოქმედებითი წარმოსახვისა და ფანტაზიის უნარი, ემოციურობა და სამსახიობო მონაცემები. გასაუბრების სახით შემოწმდება სტუდენტის ზოგადი ცოდნა ქართული და მსოფლიო თეატრის ისტორიაში, ლიტერატურასა და ხელოვნებაში. გასაუბრება თეორიულ ნაწილში მოხდება სასკოლო პროგრამაში არსებულ მასალაზე დაყრდნობით.

 მობილობით გადმომსვლელ სტუდენტთა სასურველი ასაკია: გოგონები 23 წლამდე, ვაჟები 25 წლამდე.

 

 

მობილობის შემოქმედებითი ტური 

თეატრის რეჟისორის პროგრამულ კონცენტრაციაზე:


თეატრის რეჟისორისპროგრამულ კონცენტრაციაზე მობილობით გადმომსვლელ სტუდენტთა შესარჩევი  კონკურსი (შემოქმედებითი ტური) ტარდება ერთ ეტაპად. 

მობილობის მსურველმა სტუდენტმა  შემოქმედებით ტურზე/ გამოცდაზე სასურველია წარმოადგინოს საკუთარი ნამუშევრები, რომლებიც წარმოაჩენს მისი მხატვრული აზროვნების უნარს (სცენარი, მოთხრობა, ჩანახატი, ფოტოები, ნარკვევი, მხატვრული კოლაჟი და სხვა).

სტუდენტმა 5 საათში უნდა შეძლოს დაწეროს კომისიის მიერ შეთავაზებული პიესების ჩამონათვალიდან,  მის მიერ არჩეული ერთ-ერთი პიესის ანალიზი.

ნაშრომის ჩაბარების შემდეგ შედგება გასაუბრება სტუდენტთან  ქართული და მსოფლიო ლიტერატურის, მუსიკის, სახვითი ხელოვნებისა და  თეატრის ისტორიის საკითხებზე. განსაკუთრებული ყურადღება მიექცევა კლასიკურ და თანამედროვე დრამატურგიას.  გასაუბრება თეორიულ ნაწილში მოხდება სასკოლო პროგრამაში არსებულ მასალაზე დაყრდნობით.

სტუდენტს უნდა გააჩნდეს დამოუკიდებელი, შემოქმედებითი აზროვნების, ანალიზის და შეთხზვის უნარი.  უნდა  შეეძლოს მოვლენის გაანალიზება, ლოგიკური აზროვნება და არგუმენტირებული მსჯელობა.

 

სარეკომენდაციო  პიესები:

გიორგი ერისთავი - ,,გაყრა“ 

დავით კლდიაშვილი - ,,ირინეს ბედნიერება“, ,,დარისპანის გასაჭირი“

შალვა დადიანი - ,,გუშინდელნი“

პოლიკარპე კაკაბაძე - ,,ყვარყვარე თუთაბერი“

სოფოკლე - ,,ოიდიპოს მეფე“  

ევრიპიდე - ,,მედეა“

უილიამ შექსპირი - ,,ჰამლეტი“,  ,,რომეო და ჯულიეტა“ , ,ჭირვეულის მორჯულება“

მოლიერი - ,,ტარტიუფი“, ,,დონ ჟუანი“

კარლო გოლდონი - ,,სასტუმროს დიასახლისი“

ფრიდრიხ შილერი - ,,ყაჩაღები“ 

ჰენრიკ იბსენი - ,,ნორა, ანუ თოჯინების სახლი“

 ანტონ ჩეხოვი - ,,სამი და“, ,,ალუბლის ბაღი“

ფედერიკო გარსია ლორკა - ,,სისხლიანი ქორწილი“

ბერტოლდ ბრეხტი - ,,სამგროშიანი ოპერა“ 

ჟან ანუი - ,,ანტიგონე“

ეჟენ იონესკო - ,,მარტორქა“

 



მობილობის შემოქმედებით ტური

ქართული ცეკვის დამდგმელი ქორეოგრაფის პროგრამულ კონცენტრაციაზე

ქართული ცეკვის დამდგმელი ქორეოგრაფის პროგრამულ კონცენტრაციაზე მობილობით გადმომსვლელ სტუდენტთა შესარჩევი შემოქმედებითი ტური ტარდება ერთ ეტაპად. 

მოწმდება:  

  • ფიზიკური კონდიციები, მუსიკალური სმენა, რიტმის შეგრძნება, პლასტიკა.
  • ქართული ცეკვის ინდივიდუალური შესრულება  (უნდა შესრულდეს ქართული ცეკვის (სხვადასხვა კუთხის) წინასწარ მომზადებული რამდენიმე ფრაგმენტი).
  • ქორეოგრაფიული ეტიუდი (იმპროვიზაცია) - კომისიის მიერ შემოთავაზებულ მუსიკალურ ნაწარმოებზე, კონკურსანტმა უნდა შეასრულოს იმპროვიზაცია, სადაც შემოწმდება სადადგმო უნარები: მუსიკალური და ქორეოგრაფიული მასალის (დრამატურგიის) თანხვედრა. 
  • ქორეოგრფიული ნაწარმოების კომპოზიცია - ქორეოგრაფიული კონცეფციის წერილობით წარდგენა და ანალიზი. (წერილობითი და ზეპირი ფორმით);

ნებისმიერ თავისუფალ თემაზე ან შემოთავაზებულ ავტორთა სარეკომენდაციო ჩამონათვალიდან (სურვილის მიხედვით),  კონკურსანტი წარმოადგენს ქორეოგრაფიული ნაწარმოების პროგრამასა და ლიბრეტოს, წარმოაჩენს ნაწარმოების მოკლე შინაარსს და მაყურებლისთვის საჭირო, აუცილებელ მასალას (მაქსიმუმ ნაბეჭდი 2 გვერდი). მან უნდა შეძლოს ნაწარმოებში არსებული მოვლენის გაანალიზება და  ქორეოგრაფიული გადაწყვეტის მისეული ხედვის წარმოჩენა.  უნდა უპასუხოს წარმოდგენილი ნაშრომის ირგვლივ კომისიის წევრების მიერ დასმულ შეკითხვებს.

  • გასაუბრების სახით შემოწმდება სტუდენტის ზოგადი ცოდნა  ლიტერატურისა და ხელოვნების საკითხებზე (ზეპირი ფორმით) მოხდება სასკოლო პროგრამაში არსებულ მასალაზე დაყრდნობით. შემოწმდება კონკურსანტის ზოგადი ცოდნა ქართული და მსოფლიო ქორეოგრაფიის, ლიტერატურისა და  ხელოვნების სხვა დარგების მიმართულებით. 

 

კონკურსანტის მიერ ასარჩევი ლიტერატურული ნაწარმოების ქართველ ავტორთა სარეკომენდაციო ჩამონათვალი:

სულხან-საბა ორბელიანი;

გალაკტიონ ტაბიძე;

ნიკოლოზ ბარათაშვილი;

გრიგოლ ორბელიანი;

ილია ჭავჭავაძე;

ვაჟა-ფშაველა;

ალექსანდრე ყაზბეგი;

აკაკი წერეთელი;

გიორგი ლეონიძე;

გურამ რჩეულიშვილი;

გურამ დოჩანაშვილი.

შემოქმედებით ტური ქართული საეკლესიო გუნდის დირიჟორის

 პროგრამულ კონცენტრაციაზე 

ქართული ხალხური და საეკლესიო გუნდის დირიჟორის პროგრამულკონცენტრაციაზე მობილობით გადმომსვლელ სტუდენტთა შესარჩევი  კონკურსი   (შემოქმედებითი ტური) ტარდება ერთ ეტაპად. 

მოწმდება სტუდენტის მუსიკალური მონაცემები: სმენა, ხმა, ინტონირება; აქვს თუ არა გამართული სასიმღერო აპარატი. სტუდენტმა  უნდა შეძლოს გაიმეოროს შეთავაზებული მელოდია. გამოიცნოს ინტერვალები, გამოამჟღავნოს მუსიკის ელემენტარული თეორიის ცოდნა. მას უნდა ჰქონდეს ლოტბარ-რეგენტის პროფესიის დასაუფლებლად აუცილებელი უნარები.  

სტუდენტმა უნდა შეასრულოს ჩამონათვალში მითითებული,  კომისიის მიერ შერჩეული   სიმღერა  და საგალობელი  ხმათა მონაცვლეობით. შემოწმდება სტუდენტის ზოგადი ცოდნა და ინტერესები, როგორც ხალხური სიმღერის, ასევე საეკლესიო გალობის  რაობის შესახებ;   სასურველია  სტუდენტი ფლობდეს რომელიმე ინსტრუმენტს  (ფორტეპიანო, ქართული ხალხური საკრავები).

  1. ქრისტე აღდგა (სვანური) 
  2.  ასე ჩონგური (მეგრული) 
  3. გოგოვ შავთვალა  (ქართლური) 
  4. ვარდსა ჰკითხეს (გურული) 
  5. ლაჟღვაში (სვანური) 
  6. ბაღია ჩვენი ქვეყანა (გურული) 
  7. მოვედით თაყუანის-ვსცეთ (გელათის სკოლა) 
  8. მეგრული ალილო 
  9. კახური ნანა
  10. ოკრიბული/იმერული მგზავრული

 

კინო-ტელე ფაკულტეტი


შემოქმედებითი ტური მხატვრული კინოს  რეჟისურის

პროგრამულ კონცენტრაციაზე:

მობილობის შესარჩევი კონკურსი  (შემოქმედებითი ტური) ტარდება ორ ეტაპად:

I ტური - წერითი გამოცდა და II ტური - გასაუბრება.

სტუდენტმა, შემოქმედებითი ტურების დაწყებამდე  უნდა  წარმოადგინოს ნამუშევარი, რომელიც მისი მხატვრული აზროვნების უნარს წარმოაჩენს. ეს შეიძლება იყოს მოთხრობა, კინონოველა, სცენარი, ლიტერატურული ჩანახატი,  ფოტო, ვიდეო ნამუშევარი, შემოქმედებითი იდეა და სხვა აქტივობები, რომლებშიც გამომჟღავნდება სტუდენტის შემოქმედებითი უნარი.

I  ტური - წერითი გამოცდა - სამი შეთავაზებული თემიდან სტუდენტი ირჩევს მისთვის საინტერესო თემას,  რომელშიც ცხოვრებისეული დაკვირვების შედეგად გამოჩნდება მისი შემოქმედებითი წარმოსახვის და ფანტაზიის უნარი.

სტუდენტს წერითი გამოცდისათვის ეძლევა 4 ასტრონომიული საათი.

II ტური - გასაუბრება -  მეორე ტურზე  სტუდენტი  წარმოაჩენს: ზოგად ინტელექტუალურ და განათლების დონეს კინოსა და ლიტერატურაში, აგრეთვე მათ  მომიჯნავე ხელოვნების დარგებში (სახვითი ხელოვნება, მუსიკა, თეატრი, ფოტოხელოვნება) გამოავლენს ანალიზის, დაკვირვების, შემოქმედებითი წარმოსახვის, ფანტაზიის, ასოციაციური აზროვნების უნარს, ინტერესების სფეროს, მოტივაციას. სტუდენტს მიეცემა პრაქტიკული დავალებები (ეტიუდები) ამ უნარების გამოსავლენად; სტუდენტმა უნდა შეძლოს ეტიუდის მოფიქრება ან ამბის შეთხზვა შეთავაზებულ თემაზე.

 


შემოქმედებითი ტური დოკუმენტური კინოს  რეჟისურის

პროგრამულ კონცენტრაციაზე:

სტუდენტთა შესარჩევი კონკურსი (შემოქმედებითი ტური) ტარდება ორ ეტაპად:

I  ტური - წერითი გამოცდა და II  ტური - გასაუბრება.

სტუდენტმა, შემოქმედებითი ტურების დაწყებამდე  უნდა  წარმოადგინოს ნამუშევარი, რომელიც წარმოაჩენს მისი მხატვრული აზროვნების და ცხოვრებაზე დაკვირვების უნარს:  ფოტო რეპორტაჟი (10-12 ფოტოს საშუალებით მოთხრობილი ამბავი-მოვლენა ან დაკვირვება) და სხვა. სტუდენტის აზრით მისი საუკეთესო ნამუშევრის ნიმუში (მოთხრობა, კინონოველა, სცენარი, ლიტერატურული ჩანახატი, ფოტო, ვიდეო ნამუშევარი, შემოქმედებითი იდეა, ნახატი და სხვ.).

I ტური  -  წერითი გამოცდა - სამი შეთავაზებული თემიდან სტუდენტი ირჩევს მისთვის საინტერესო თემას, რომელშიც ცხოვრებისეული დაკვირვების შედეგად გამოჩნდება მისი შემოქმედებითი წარმოსახვის და ფანტაზიის უნარი.

სტუდენტს წერითი გამოცდისათვის ეძლევა 4 ასტრონომიული საათი.

II  ტური - გასაუბრება - გასაუბრებაზე  სტუდენტი  წარმოაჩენს: ზოგად ინტელექტუალურ და განათლების დონეს კინოსა და ლიტერატურაში, აგრეთვე მათ მომიჯნავე ხელოვნების დარგებში (სახვითი ხელოვნება, მუსიკა, თეატრი, ფოტოხელოვნება) გამოავლენს  დაკვირვების, ანალიზის, შემოქმედებითი წარმოსახვის, ფანტაზიის, ასოციაციური აზროვნების უნარს, ინტერესების სფეროს, მოტივაციას. სტუდენტს მიეცემა პრაქტიკული დავალებები ამ უნარების გამოსავლენად; სტუდენტმა უნდა შეძლოს ეტიუდის მოფიქრება ან ამბის შეთხზვა შეთავაზებულ თემაზე.

 


შემოქმედებითი ტური ანიმაციური კინოს  რეჟისურის  

პროგრამულ კონცენტრაციაზე:

 

ანიმაციური კინოს რეჟისურის პროგრამულ კონცენტრაციაზე სტუდენტის შესარჩევი კონკურსი  (შემოქმედებითი ტური) ტარდება ორ ეტაპად:

I ტური - წერითი გამოცდა და  II ტური - გასაუბრება.

სტუდენტმა, შემოქმედებითი ტურების დაწყებამდე უნდა  წარმოადგინოს მოკლე  ავტობიოგრაფია თანდართული მოტივაციით, თუ რატომ ირჩევს ამ პროფესიას; ნამუშევარი, რომელიც წარმოაჩენს მისი მხატვრული აზროვნების უნარს. ეს შეიძლება იყოს  მოთხრობა, სცენარი, ნებისმიერი ჟანრის გრაფიკული,  ფერწერული ან პლასტიკური ნამუშევარი, ანიმაციაში შექმნილი პატარა ნამუშევარი, ლიტერატურული ჩანახატი, შემოქმედებითი იდეები, ფოტოები და სხვა.

I ტური - წერითი გამოცდა - სამი შეთავაზებული თემიდან სტუდენტი ირჩევს მისთვის საინტერესო თემას, ამბავს, რომელშიც ცხოვრებისეული დაკვირვების შედეგად დაგროვილი მასალის საფუძველზე გამოჩნდება მისი შემოქმედებითი წარმოსახვის და ფანტაზიის უნარი. სტუდენტს წერითი გამოცდისათვის ეძლევა 4 ასტრონომიული საათი.

II ტური - გასაუბრება - სტუდენტი წარმოაჩენს: ზოგად ინტელექტუალურ და განათლების დონეს კინოსა და ლიტერატურაში, ინტერესთა სფეროს, ანალიზისა და შემოქმედებითი ფანტაზიის უნარს, მოტივაციას. სტუდენტს მიეცემა პრაქტიკული დავალებები დაკვირვების, შემოქმედებითი წარმოსახვისა და ასოციაციური აზროვნების უნარების გამოსამჟღავნებლად; სტუდენტმა უნდა შეძლოს სიუჟეტის მოფიქრება ან ამბის შეთხზვა შეთავაზებულ თემაზე (სიტუაციის წარმოდგენა-აღწერა; შეთავაზებული თემის, ფერწერული ტილოს ან ფოტოს მიხედვით ამბის აგება (სავარაუდო ხმოვანების წარმოსახვით), მოვლენის განვითარების აღწერა და გადმოცემა).

 


შემოქმედებითი ტური  კინო-ტელე ოპერატორის

პროგრამულ კონცენტრაციაზე:

 

კინო-ტელე ოპერატორის პროგრამულ კონცენტრაციაზე სტუდენტის შესარჩევი კონკურსი (შემოქმედებითი ტური) ტარდება ორ ეტაპად:

I ტური - პრაქტიკული დავალების შესრულება და II ტური - გასაუბრება.

სტუდენტმა, შემოქმედებითი ტურების დაწყებამდე  უნდა წარმოადგინოს თავისი გადაღებული 10 ფოტოსურათი კომპაქტ დისკზე (CD) ჩაწერილი (ნატურმორტი, პორტრეტი, პეიზაჟი).

I ტური  - პრაქტიკული დავალება (სასურველია შესრულდეს საკუთარი აპარატურით). რეპორტაჟის გადაღება კომისიის მიერ მითითებული ადგილიდან 10 ფოტო. 5 ფერადი ფოტოპორტრეტი პავილიონში ერთი სინათლის წყაროს გამოყენებით შავ ფონზე. ფოტონამუშევრები წარმოდგენილი უნდა იყოს დამუშავების გარეშე კომპაქტ დისკზე (CD) Jepg ფორმატში ჩაწერილი;

II ტური - გასაუბრება - სტუდენტს ევალება საკუთარი ნამუშევრების პრეზენტაცია - დაცვა. სტუდენტმა უნდა  იცოდეს: გეომეტრიული ოპტიკისა და სინათლის გავრცელების კანონები (სასკოლო პროგრამის ფარგლებში). სტუდენტი წარმოაჩენს ზოგად ინტელექტუალურ და განათლების დონეს კინოხელოვნებისა და სახვითი ხელოვნების ისტორიაში.

*ყველა შემოქმედებითი ტური ტარდება მობილობის მსურველი სხვა სტუდენტების თანდასწრებით.

 

 

სახელოვნებო მეცნიერებების, მედიისა და მენეჯმენტის ფაკულტეტი

 საბაკალავრო პროგრამაზე

მასობრივი კომუნიკაცია (ტელე-რადიო ჟურნალისტიკა)

  1. სამოტივაციო წერილი - რატომ გსურთა მასობრივი კომუნიკაციის (ტელე-რადიო ჟურნალისტიკა) საბაკალავრო პროგრამაზე გადმოსვლა.

წარმოდგენილი უნდა იყოს დოკუმენტაციასთან ერთად.

  1. გასაუბრება.

გისურვებთ წარმატებას!!!

 

 

 

უკან
სიახლეების არქივი
TAFU TV
ტელეპროგრამა | სრულ ეკრანზე
^ ზემოთ
საწყისი | შესვლა | კონტაქტი
ვიზიტორები:
1802653
ვებ გვერდის შექმნის თარიღია: 26-01-2006
ვებ გვერდის განახლების თარიღია: 2020-12-01
ვებ გვერდის მფლობელია საქართველოს შოთა რუსთაველის თეატრისა და კინოს სახელმწიფო უნივერსიტეტი (c) ყველა უფლება დაცულია