საქართველოს განათლებისა და მეცნიერების მინისტრის ბრძანების N121 /16.02.2007წ. «ერთიანი ეროვნული გამოცდების ჩატარების დებულების დამტკიცების შესახებ» საქართველოს განათლებისა და მეცნიერების მინისტრის «28.03.2005წ. N127 ბრძანებაში ცვლილებებისა და დამატებების შეტანის თაობაზე მუხლების 22⁶, 22⁷, 22⁸, 22⁹»/ გადაწყვეტილებების საფუძველზე; «უმაღლესი განათლების შესახებ» საქართველოს კანონის 22-ე მუხლით განსაზღვრულ უფლებამოსილებათა შესაბამისად და შოთა რუსთაველის თეატრისა და კინოს უნივერსიტეტის რექტორის ბრძანების N60/2-03.06.2008წ. - (2008-2009 საწავლოწლის I სემესტრისთვის სხვა უმაღლესი სასწავლებლებიდან გადმოყვანის წესით და შიდა საუნივერსიტეტო მობილობით სტუდენტების ჩარიცხვის ორგანიზებულად ჩატარების უზრუნველყოფის შესახებ) თანახმად,

·        სტუდენტთა მობილობისათვის განცხადებების, შესაბამისი საბუთების მიღება ხორციელდება უნივერსიტეტის შესაბამის ფაკულტეტებზე;

·        მსურველთა განცხადებები ფაკულტეტებზე მიიღება 2008 წლის 22 აგვისტომდე;

·        განცხადებას თან უნდა დაერთოს მსურველის პირადი ბარათისა (სტუდენტის პირადობის მოწმობა, მისი განცხადება მიმღები უ.ს.დ.-ს მიმართ (ასეთის არსებობის შემთხვევაში), სტუდენტსა და უ.ს.დ.-ს შორის დადებული ხელშეკრულება, სტუდენტის სკოლის ატესტატი ან მასთან გათანაბრებული სწავლის დამადასტურებელი დოკუმენტი, სტუდენტის უ.ს.დ.-ში ჩარიცხვის ბრძანება (ბრძანების წიგნიდან შესაბამისი გვერდები, არსებობის შემთხვევაში), სტუდენტის კურსიდან კურსზე გადაყვანის ბრძანებები (ბრძანების წიგნიდან შესაბამისი გვერდები, არსებობის შემთხვევაში), ერთიანი ეროვნული გამოცდების გავლით უ.ს.დ.-ში ჩარიცხვის სერტიფიკატი) და სასწავლო ბარათის (საგანმანათლებლო პროგრამით გათვალისწინებული საგნების ჩამონათვალი მათი აკადემიური კრედიტ-კოეფიციენტებისა და სტუდენტის აკადემიური შედეგების გათვალისწინებით) ქსეროასლები;

·        საშემსრულებლო მიმართულების ფაკულტეტებზე (დრამის, კინო-ტელე და ფოლკლორისა და ტრადიციული ქართული ხელოვნების ფაკულტეტები) ჩატარდება შემოქმედებითი კონკურსი უნივერსიტეტში დადგენილი წესით; იხილეთ თანდართული ტექსტი (pdf)

- თეორიული მიმართულების ფაკულტეტებზე (ხელოვნებისა და სოციალურ მეცნიერებათა ფაკულტეტი იხილეთ თანდართული ტექსტი (pdf) და ბიზნესისა და მართვის ფაკულტეტი იხილეთ თანდართული ტექსტი (pdf)) ჩატარდება ტესტირება სპეციალობაში;

- საკონკურსო გამოცდები და შემოქმედებითი ტურები  ჩატარდება 2008 წლის 1, 2, 3 სექტემბერს;

- გამოცდების შედეგები გამოცხადდება 2008 წლის 8 სექტემბერს;

- სააპელაციო განცხადებების მიღება განხორციელდება 2008 წლის 9 სექტემბერს;

- საკონკურსო გამოცდებისა  და შემოქმედებითი ტურების საბოლოო შედეგები გამოცხადდება 2008 წლის 11 სექტემბერს;

- ფაკულტეტების დეკანების მიერ საკონკურსო გამოცდებისა და შემოქმედებითი ტურების საბოლოო შედეგების საფუძველზე სტუდენტთა გადმოყვანის წესით ჩარიცხვის შესახებ წარდგინება მომზადდება და 2008 წლის 11 სწქტემბერს;

- უნივერსიტეტის ხარისხის უზრუნველყოფის სამსახურის მიერ სხვა უმაღლესი სასწავლებლებიდან გადმოყვანის წესით სტუდენტთა ჩარიცხვის ბრძანების პროექტი მომზადდება 2008 წლის 12 სექტემბერს;